يحاولون الوصول لشخص بعينه لكنهم ......
فيبدأ مشوار الالف ميل حين تُغيَّب الضمائر
-:--:--:--:--:--:--:--:-
هو كلام بـالعام .. وهو عام ...
بس له ناسه .. يحبون الوناسه وسوالفهم تشبه سوالف مضيّع الطاسه
قال جيب برّايه ..نبري القلم .. وامشي ورايه ..نكتب حكايه ..عن فلان
ولا تنسى البهارات .. ترى هي بالذات .. اهم من الحقيقه ..وهي اصل الروايه
وجيب هم محّايه .. تنفع تشيل اي دليل يثبت العكس ويحبط الهمس
ولا تستثني الصوره(نفبركها ) وتصير مأموره تقول اللي تبيه واللي ما تبيهِ قطّه في بحوره
هو كلام بالمطلق يعني لا تهمناك ولا جينا صوبك
بس فضحناك واخترعنا عيوبك .. ويا كثر من يسمع بس قليل اللي يفهم بين السطور وش يدور
مكانهم بالسما فوق وكلامنا يقدر يبوق سحابه هاموا عليها وكرامه عاشو فيها
قال جيب برّايه ..نبري القلم .. وامشي ورايه ..نكتب حكايه ..عن فلان
ولا تنسى البهارات .. ترى هي بالذات .. اهم من الحقيقه ..وهي اصل الروايه
وجيب هم محّايه .. تنفع تشيل اي دليل يثبت العكس ويحبط الهمس
ولا تستثني الصوره(نفبركها ) وتصير مأموره تقول اللي تبيه واللي ما تبيهِ قطّه في بحوره
هو كلام بالمطلق يعني لا تهمناك ولا جينا صوبك
بس فضحناك واخترعنا عيوبك .. ويا كثر من يسمع بس قليل اللي يفهم بين السطور وش يدور
مكانهم بالسما فوق وكلامنا يقدر يبوق سحابه هاموا عليها وكرامه عاشو فيها
قبلنا قالو..
( العيار اللي ما يصيب يدِْوشْ )
يعني
احنا علينا نتحرّش .. نمسح الارض ونفرش .. واللي على باله البضاعه يجي ( ينهش )
هم بالنور واحنا بالظلام .. اصلا مكاننا ما عليه كلام
نجي بالعام والقصد خاص وهذا اختصاص
وما علينا شرهه
( العيار اللي ما يصيب يدِْوشْ )
يعني
احنا علينا نتحرّش .. نمسح الارض ونفرش .. واللي على باله البضاعه يجي ( ينهش )
هم بالنور واحنا بالظلام .. اصلا مكاننا ما عليه كلام
نجي بالعام والقصد خاص وهذا اختصاص
وما علينا شرهه
قلنا احنا ( خبول ) نستهبل وقت اللزوم وقت اللي نحب نحاول نتشبّه باصحاب (العقول)
::::::
واحنا نقول .. هو كلام بالعام
::::::
واحنا نقول .. هو كلام بالعام
بس احنا ما حطينا عليه ايّ علامة تعجُّب او استفهام
يعني لا رحتو ولا جيتو .. ولا جبتو ولا وديتو
قولو يا زينكم اليوم ويا زين اللي سمعكم
قولو يا زينكم اليوم ويا زين اللي سمعكم
كل من فيكم ما علا عن الارض ارتفاعه
بس لو فيكم واحد يشيل اليوم ِقناعه ويجي بكل رجوله و قَناعه يقول انا قلت ....
بس اللي مثلكم من وين تجيهم شجاعه ... وبصراحه
عندنا منكم مناعه .. بس قولو يا ضياع جهدكم يا ضياعه انت لو بس قعدت ساعه تفكر
بس لو فيكم واحد يشيل اليوم ِقناعه ويجي بكل رجوله و قَناعه يقول انا قلت ....
بس اللي مثلكم من وين تجيهم شجاعه ... وبصراحه
عندنا منكم مناعه .. بس قولو يا ضياع جهدكم يا ضياعه انت لو بس قعدت ساعه تفكر
من وين جابو الاسلوب وش سر ابداعه
سكوتنا اصله ( تطنيش بمزاج ) او تقدر تسميه غرور
سكوتنا اصله ( تطنيش بمزاج ) او تقدر تسميه غرور
يعني بضاعه ما تبور .. يا اخي السالفة ماهي سالفة حروف .. سالفة من كتبها هو يجيب الحرف مو الحرف اللي يجيبه
يعني فهمت شلون ؟؟ او اللي مثلك يمكن باختصار ما يفهمون
خليني اشرح لك باسلوب على قدّك
ألـــف ، بـــا ، تــــا....
يعني فهمت شلون ؟؟ او اللي مثلك يمكن باختصار ما يفهمون
خليني اشرح لك باسلوب على قدّك
ألـــف ، بـــا ، تــــا....
تلكـ حروف ( الِهجا ) وهي بيدي وايديك .. بس الفرق .. أنا اعلّيها وهي توطّيك
يعني شفت وين المصيبه
اقول اقعد واركد وحاول تفهم هذي الجمله الغريبه
(اللي ما يطول الحرف يدوِّر بصاحبه عيبه)
وهذا هم كلام بالعام
والقصد خاص ... وهذا اختصاص ..
اقول اقعد واركد وحاول تفهم هذي الجمله الغريبه
(اللي ما يطول الحرف يدوِّر بصاحبه عيبه)
وهذا هم كلام بالعام
والقصد خاص ... وهذا اختصاص ..
وما علينا شرهه قلنا احنا ( عقول ) نبدع وقت اللزوم ... وقت اللي نحب كلّنا ( خبول ) !!!!!
.
.
*حرف : تعني الكثير من الامور..
=============
=============
