من صباحي المحمّل بالحنين ..
---------------------
توّه الرحيل بأوّله
وتوّ الوله
ما غمّض عيونه ونام
ودك تغيب
وخايف تغيب
كيف بس علمني
كيف احل المسأله
*
*
تدري وشهي المشكله
احساس يرفض يموت
لان الاماني تسعفه
صرخته ما تِحيِي سكوت
ما تداوي جروحٍ نازفه
جـَرّب النسيان .. والنسيان بس يذكّره
*
*
هاك عمري يالوله
روح إسأله
من علم عيوني تضيع
في ِوطَنْه وتشغله
من فتـّح بشوقي ربيع
يبيني اقسى واقتله؟!!
*
*
خل الموت نايم يا حبيبي
خل الموت نايم يا حبيبي
ارجوك ..لا تستعجله
توّه يا حبيبي توّه الوله
ما سد بابه واهمله
ما خابت هقاويه
ما سلّم شراع ياسه
ولا عوّد محمله
--------
--------
إضافة ابولطيف ..
ودي اغيب
وخايف اغيب
ظنيت الحب باوله
ياني الوله من غير ماغيب
ياني ... وصعبه المسأله
وانا معاك
ايدي بيديك
والقلب ...ولهان(ن) عليك
ظنيت سهلة المسأله
كلمة اقولها وننتهي
انا بطريج وانت يآنسك الف صديج
والليل بعده باوله
اسهر اناجي نجمتك
ارسم على حروف قصتك
ذكرى تودع بسمتك
ظنيت سهلة المسأله
تو الوله ؟
ذابحني وبعده باوله
من قال يعرف اوله؟
من يوم كتبتي قصتي
من يوم زرعتي بسمتي
من يوم ما عيني عرفت
نور الحياة
يوم (ن ) بديتي دنيتي
وانا انوح
من الوله
هذا الوله من قال يعرف اوله ؟
------
ابدعت يابولطيف ابدعت :)))
-001.jpg)
-001.jpg){kind=link}
