الف شكر لاخوي حاكي عقالي على التصميم اللي جعلني ارى الكلمات بشكل اجمل ..هدية صباحية رائعه اسعدت يومي والله :)))
بس كانت لحظة شوق
ما قلت ابيك الحين
بتسنـّد شوي على صوتك
محتاجك
اي محتاجك
ما قصدت اضايقك
ولا تعمدت احراجك
بس محتاجك
****
بس كانت لحظة شوق
هدت حيلي
مجرد جفاف عروق
وانت سيلي
ماقصدت ازعاجك
محتاجك
****
ما قلت ابيك الحين
إلاّ لاني ابيك
ماقلت اشتاقت العين
قصدي اتدلع عليك
بس حبست احساسي
ناطر افراجك
محتاجك
****
بتسنـّد شوي على صوتك
احياك مره وارجع اموتك
مو مهم بعدين
المهم الحين
شوقي يعانق مزاجك
محتاجك
------------
* كُتبت على عجل .. بمجرد حضورها في خاطري
هناك 39 تعليقًا:
صباح المطر
تمطر عندنا
......
وحدة ... شوق ... حنين
....مو مهم بعدين ....
قمة الجنون
...
رد على عجل :)
محتاجك .... ابيك
محتاج الهمسة ليه صارت على كفوفك مطر
محتاج لغيوم تروينا
محتاج النظرة واللمسه تدفينا
محتاج اسمع صوتي يناديك
ويقول لك ابيك
ومحتاج اسمعك تقول لبيه
محتاج اكون كلمتك ... غفوتك ...لحافك وغطوتك
ويمكن اكون هيل بقهوتك
تبتدي فيني يومك
واكون قمرة بليلتك
محتاج تكتبني ... وبحروفك تفنني .. يمكن اكون قصيدتك
محتاج ترسمني ... تلوني ... وتحييني بفرشتك ... واصبح انا لوحتك
محتاجك تشغلني ... وتشعلني ... وتطيبني بحضنك ... اقدر اكون بخورتك
محتاجك .... ابيك
محتاجتك
......
صباح العمر كله
:**
اشتقت للتعليق هنا
واشتقت لصاحبة المكان
"بس حبست احساسي
ناطر افراجك
محتاجك "
محتاجين هالكلام الحلو يا تراب الكويت
وصباحج عسل :)
المحب نحتاجه في كل الاوقات
نحتاجه في غيابه
ونحتاجه في حضوره اكثر
سلمت اناملك تراب
صباح الحب يا عسل
:)
لحظات الضعف هذى حلوه و مو حلوه
انا ماني كاتب تعليقي
بكتبلك شنو قالت الوالده
لما دشت علي وانا اسوي التصميم مال كلماتك
كلام يدش القلب ويعور القلب بعد
شنو هالكلام اللي يهبل
http://www.enter-q8.com/me7tagek.jpg
ابولطيف
ياصباح الخير والاحساس والطيبة
صباح ما يلوق الا بديرتي واخواني واصحابي..
عسى صباحك يشبه هـ المطر ياخوي
وعسى دوم هالنوع من الجنون يبلل احساسك بالشوق والحب ..
شكرا شكرا :$
:)))
الزين
صباح الوله زيون
اشتاق لكِ المكان
عودة مباركة ان شاء الله
سعيدة جدا برؤيتك هنا
سعيدة بكل حرف
بتارجح الاحساس بيني وبينكم
سعيدة لاني اجتمع بكِ هنا
يالزين .. نطمع بالصوت
بالاحساس بوجودهم معانا
الطمع مو زين بس هذا النوع من الطمع
يحيي المشاعر فعلا :)
مرحبا بكِ مجددا
كوني هنا ما استطعتِ
شكرا :)))
سويت ريفنج
ياهلا والله بالخير كله
اي اي محتاجين نقول
محتاجين نحس
محتاجين نتنفس مشاعر
محتاجين نغير ملامحنا شوي
يا صباح الاحساس تشجيعك يعني لي الكثير
شكرا عزيزتي
:))
ميرامار
*
(احبك لو تكون حاضر
احبك لو تكون غايب
ومهما الشوق يحرقني
رح امشي معاك للآخر )
الظاهر الجو له تأثير على مشاعرنا ;)
شكرا لكِ عزيزتي
* طلال مداح
براقش
صباح الشوق
خلينا بالحلوه
خلينا نتأمل
خلينا نقول يمكن
نعيش اللحظه بجمالها بتلقائيتها
مرحبا بكِ
:)
حاكي عقالي
صباح الفن والاحساس
صباح اكتشاف الجديد بشخصك
صباح اللحظه الخاصة اللي نشوفك فيها غير
صباح المطر والشجر صباح الذوق
صباح يحمل الخير لقلبك واحساسك
صدقني الكلام يخذلني .. هديتك الصباحية اسعدت قلبي كثيرا خصوصا واني احب التعبير بالصور ..
سلامي للوالده وسلامة قلبها من كل شر
عسى الله يحفظها ويخليها لنا
على فكره قعدت ادقق بالتصميم وانقده بيني وبين نفسي لاني اجدك مبدعا فيما يتعلق بهذا النوع من الفن
تقديري الخالص
:)
ما اجمل الاحتياج بين الاحباب
الجو جميل و كلماتج اجمل يا تراب
عندي أنا كلمة وتراها صعب تنقال
محتاج أضمك بالخفا يابعدي انت
وعطني ولعه
تراب الكويت
بصدق و بصراحة
شيئ ما اقدر اوصفه لما تكتبين كلماتك
اقعد ارددها بصحبة الموسيقى التي بمدونتك يخلي الواحد يرجع لأيام زمان
كان لي العديد من هالتصاميم اللي تندرج تحت عاطفية او اشعار
وقطعت عنها من زمان زمان زمان
الا عندما كتب زميلنا براك في بداياته
http://www.enter-q8.com/barrak.gif
الشكر لك و لكلماتك اللي تمتعينا فيها
و الفال ان شاء الله لك نشوفها طالعه بديوان يحمل اسمك
اكرر الشكر لك
ريسنا
ووجودك هو الاجمل على الاطلاق
اليوم السما تعطي
واحنا نقول ونعطي
نبيها فرصه
نقول ونحس
مو مهم بعدين المهم الحين ..
عسى ايامك كلها حلوه ياخوي
:)))
حاكي عقالي
بكل كل صراحه
التصميم هذا احتفظت فيه من اول
وقتها يمكن كنت ماعرفك لكنه تواجد فترة طويله على الديسك توب عندي سويتله خلفية وبيني وبين نفسي اعتبرته الاجمل بين ما رأيت بتلك الفترة وهذا اللي صار بكل صراحه ..
وهم بقولك شي .. انا اكتب لكن ما كنت انشرهم كنت اشوفهم خربوطه :$
واللي شجعني اتجرأ واجرب انشرهم اهو براك ..طبعا لم يشجعني حرفيا لكن من عقب متابعتي له اختلفت الصوره بنظري لاني كنت اشوف اللي اكتبه بسيط ودون المستوى فالفضل هم يعود لبراك بشكل او بآخر ..
وانا اتمنى يرجع اللي كان زمان زمان زمان .. لانه بصراحه يستحق ان يرى النور واحنا اعتقد نستاهل نشوف هذا الجمال :)) صح ؟
اختي تراب الكويت
انتم اللي تخلون الواحد يتشجع
لما انتي تكتبين و تنشرين غيرك يتشجع بعد
تبين تشوفين نتاج تردد كبير كبير
و حده كنت اعرفها من يوم ما كان عمرها 17 سنه اللحين عمرها26 سنه
ابتدت بتصميم اعتبرته سخيف و بطلت
عدلت علي تصميمها و قلت لها الفكرة اهم شي الفكرة ابدعت بل فاز احد تصاميمها بمسابقة غراس
هالبنت كانت ترسم و ما تنشر رسوماتها هذا و ما في احد يعرف اسمها اصلا راح اقولك شنو مستوى رسوماتها بعدين
و نجي للشعر و الزجل و كان اكبر خوفها بهالشي من هالمجال بالذات تحديداو كانت كل ما تكتب شي تدزه لي على ملف وورد و احفظه عندي
هالكلام صار له ما يقارب اكثر من سبع سنين و اذكر اني كنت اسويها تصاميم
و لما تجرئت و انشرت وحده من كتاباتها انصدمت من ردود الفعل
دخلت و قلت حق اللي علقوا عندها طالبوها بما تخفيه و الا انا بنشره
باختصار اهي زميلتك المدونة
نون النسوة
http://non-q8.blogspot.com/
تراب الكويت تمتلكين الكثير الكثير
فأطلقي صراح ما تختزينه ولا تترددي
عالم المدونات اثبت ان الكويتيين لديهم الكثير الكثير
الله يحفظك و عساك على القوة
و يبقى الامل ان نرى انتاجكم على ارض الواقع ملموس يا باناء ديرتي
نسيت ان اقول ان اول واحد معلق عندك
حبيبي بو لطيف
تراه ما ينفع يصدر كتاب
لأن كلامه اللي يخطه و يسطره بمدونته
لازم الواحد يسمعه و يشوفه
و يعيدونه مرتين بالتلفزون
روعه التصميم والكلام الي بوسطه :)
مشكلتي لما ادش اهني أنسى نفسي بين الكلمات وبين الموسيقي وبين الردود وبين البوستات القديمه المبعثره هنا وهناك :)
نسيت أقولج ..
يسعد مساج :*
حاكي عقالي
بالنسبة لنون النسوة ما زلت اشوف انها تستحق اكثر واكثر ومدونتها مكان احب اتواجد فيه بكثرة على الرغم من اني غالبا ما اعلق لانها بصراحة تربط لساني بذكاءها واحساسها الفريد اعتبرها من الاشخاص اللي يقدرون يوصلون قلبك بدون واسطه وبكل بساطة وبذكاء احساس نادر وجوده
بالنسبة لتصاميمك انا علقت مره عندك لانها فعلا تعجبني واشوف فيها ذكاء الفكرة مثل ما تفضلت وهذا اكثر شي يجذبني للكلام والصوره
ما دمت ستجود علي بهذا الفن الرائع فاعلم بأني ان شاء الله لن ابخل بشيء يسعدكم ..
كان للحوار معاك مدى آخر وباب مختلف كنت احاول اغلاقه .. لكنه تجدد بحضورك وقرر ان يفر من قيدي ..
ابولطيف.. يستحق هذا الاهتمام فعلا مو بس لكتاباته لكن لحضور النية الطيبة التي تجعلنا نرى الامور من زاوية مختلفة وقد تحلّت بالصدق واخلاص النية
عسى الله يوفقكم ويحميكم وتستمرون بهذا العطاء المشرّف ..
:)))
kuwait
الله يسعد مساج بالخير والنور والحب
حضور هـ الاسم كافي يضيف ابتسامة مخلصة ويذهب التعب دائما
شكرا لتشجيعك
كوني بخير :)
محتاجك
حتى بقربك محتاجك
أنت الصوت بعقلي
أنت النبض بقلبي
أنت الحس في حسي
عنك مالي غناة
محتاجك
مساء الرقة والإحساس
حتى وانتي على عجل مبدعة :)
عماميقي صارت أعمق P:
كلماتج من الحين ودي أهديها ليانغ مع إنه ما سافر للحج بعده
:))
التصميم جدا رائع يعور القلب ويخلينا نلمس الإحساس بالوحدة والحاجة !!
بوستج كله على بعض نحتاجه :))
الله لا يحرمنا من بوستاتج المرهفة يا تراب :)
ما قلت ابيك الحين
إلاّ لاني ابيك
ماقلت اشتاقت العين
قصدي اتدلع عليك
بس حبست احساسي
ناطر افراجك
محتاجك
waw i cant say no more
مساء الاحساس الراقي والكلمة الشفافة
بتسنـّد شوي على صوتك
احياك مره وارجع اموتك
الله
على الجمال بالمعنى
الله على الاحساس
روعة
تصدقين
انا جداً سعيد لأني لقيت مدونة بهالجمال
اضيفها إلى المدونات إللى تمتعني وتلهمني وتستثير فيني الاحساس
والله انا بالفعل سعيد لأني عرفت هالمدونة
كلماتج تدش القلب بسرعة
بدون استئذان
يعطيج العافية
yin
صباح الشوق ياشوقي
صباح يروي عروقي
صباحج رضى يارب
ين يا منبع الطيبة والفن المدونة تحت امرج وعسى الله يديم المحبة وعسى الله لا يغير قلوب المحبين قولي آمين
التصميم اهداء من اخونا حاكي عاشت ايده والله لا خلا ولا عدم
وصدقيني وجودج يسعد تراب بشكل ما تصورينه ..
خصوصا اذا يبتي العماميق P:
مشكوره يابعدهم :**
gucci-q8
صباح الذوق
التواجد بحد ذاته يسعد قلبي
ويرضيني حتى آخر مدى
شكرا بحفظ الرحمن :)
حسين
انا الاسعد وصاحبة الحظ الاوفر بوجودك
يشرفني تكون مدونتي مكان يروق لذوقك العذب ولاحساسك الاجمل
تضيف الكثير لـ تراب كلماتك الشفافه
شكرا لك من القلب
حافظك الرحمن ياخوي
:)
آمييييييين يا رب :)
صدقيني وجودي هنا يسعدني
:)))
أعتقد هذي المدونة اللي عماميقي تلازمني فيها :))
كل هالاحساس
كل هالابداع
وعلى عجل!!!!
انت رائعه
تراب يا تراب
قرات بعين شارده
كما لحبه الرمل دهورا تستغرقها
حتى تلتقي
نثرتي رمال كلمات والتقى هنا ..
هل تعلمين حبه الرمل
من رموز الخلود :) ..
تراب
العنوان محتاجك مو ابيــك
ايقنت الفرق ...
حافظج اللــه
نسيت اقول
:) بوستي الهام من محتاجك ومن موسيقتج
مشكوووره
بس كانت لحظة شوق هدت حيلي
مجرد جفاف عروق
وانت سيلي
ماقصدت ازعاجك
محتاجك
^
^
مصدآقية الاحساس تتجلى هنا ..
الله على احساسك الدآخلي يا ترآب ..
يسمع القلب دويّه بكل جمآل ..
ابدعتِ رغم العجل يالغالية =)
بآقة من الـــورد تعبر عن صآدق الـــود لكِ ..
yin
تنورين المكان دوم
وهالزيارة تهمني وايد
والاحساس يهمني اكثر
لاخلا ولا عدم يارب
سلامي للعائله الكريمه عسى الله يحفظهم من كل شر :***
barrak
الحمدلله على السلامه
اسعدني وجود البراكيات ياخوي
والكلام ما يوفيك والله ..
الله يحفظك ويحميك
:)
تركواز
يا عيني عليج
محتاجك .. اي محتاجك
وانا احتاج هالنوع من الاحساس والتواصل ..
تشبيهج متعب ..
الله لا يحرمني منكم ..
ماعرف باي شكل اقدر اشكرج
وبوستج اليوم كان تواصل بين النقيض
يحمل بصمة خاصة اسمها تركواز :))
الله يوفقج ويحميج :*
وايت روز
باقة من الامتنان اهديها لكِ عزيزتي
اسعدني وجودك جدا
اثلج صدري تواصلك الرقيق
شكرا لك من القلب
كوني بخير وحب :))
أحلى الكلام و أصدقه اللي يطلع من عجل و بدون تفكير وتصفصف
احتياجج كان صادق
خليتيني احتاج مثلج
:)
صح لسانج
ضاد
مشاعر وليدة اللحظه
وهذا النوع نخاف منه وبنفس الوقت يجي متميز بجنونه ..
والاحتياج صعب صدقيني
كوني بخير :)))
إرسال تعليق