.jpg)
يا شين الوقت إذا عاملني
من منطلق ذوق و... جاملني
يقول : الحياه مشاغل..
أدري بس المشاعر ؟؟
إذا غفت القلوب ونامت اللهفة
وإذا صارت برتابة الوقت متلحفة
وإذا وصلنا للـ عادي
يا ترى نقدر نعيش؟
يقول: أدري تفهميني حتى لو ما تكلمت
ادري أني ذكيّة
وأدري أني لـمـّـاحه
بس بصراحه
بالنهاية أنا أنثى
احب اسمع حتى لو فهمت
احب يشرح ،، واسوي روحي ما انتبهت
ويعيد ويكرر ،،
ويّاه ،، اكره شي اسمه.. اختصار
ويـّـاه ،، ما احب انحط ( داخل اطار )
ويسيّرنا (بروتوكول ) الناس
ونشبه كل شي ...
في مداره تختلف كل فنون الحضاره
لأني اشوف بعيونه
ولأني اشعر من خلاله
ولأني لحظتها ،، انصهر في احساسه
النكهه تختلف ،، والأثر غير
يشبه احساسك بـ وردة أو احساس طير
مستحيل تكون متبلده ،، أو مداها قصير
لحظتها....
كل العالم لك وطن حتى لو ماعندك سكن
يكفي يشوفك ، أو يقرا حروفك
أو حتى تسكت ..وتسرح بين ايديه
لحظتها...
تحس أن الدنيا بخير
مطلب أخير...
لا تآخنا الدنيا ونصير
نشبه هـ الزمان
ليست هناك تعليقات:
إرسال تعليق