الحمدلله

بسم الله الرحمن الرحيم

جمعه مباركه عليكم جميعا


الحمدلله على كل شيء

من اسبوع ونص طحت طيحة عادية جدا جدا لكن .. النتيجة كانت شي ما توقعته وللحين مو مستوعبة اللي صار
كل اللي اذكره اني كنت اذكر الله وادعي بدون وعي

تمزق في الاربطة ، كسر بسيط ، تمزق او مادري شنو بالاوعية في الكاحل ..
كل هذا صار بمجرد ثواني بسيطة وبدون اي احساس بالالم في بداية الامر !!

طواريء ..مستشفى اخصائي عظام ، عملية تثبيت للقدم .. جبس وملازمة الفراش بدون حراك لمدة اسبوعين

كرهت نفسي والله ، كل شي احس انه صعب صعب ابسط الامور اللي كنت اسويها بسهوله صارت مسألة تحتاج تفكير وتخطيط وحسابات
النوم ، الصلاة ... كل شي

اول مره احس نفسي ضعيفه لهذي الدرجة مادري شفيني متضايقه حدي حاسه اني مسجونة نفسيا
تعبت والله تعبت ،


الحمدلله على كل شي احاول اتماسك لكن دموعي تفضحني دايما
خايفه من النتيجة ، هناك احتمالات اني اضطر استخدم جهاز طبي لفترة طويلة عقب ما يشيلون الجبس
او يردون الجبس مره ثانية . الله اعلم

وايد امور نحس انها عادية وطبيعية جدا ومفروغ منها لكن اذا فقدناها نشعر بقيمتها
اللهم اني لا اسالك رد القضاء ولكن اسالك اللطف فيه

اعذروني بس والله العظيم اشوف كل شي اسود بختنق من التفكير

اشوفكم على خير