}{ من الخــآطر على الطـآير }{

صبــاح الفلسفـــة الزايــدة

كلمات من الخاطر لكن على الطاير

---------------------

سياحه عربية في الخارج

هي أن تجوب بلاد العالم

تفتح فمك منبهرا بكل ما فيها

تخرج ما بجيبك جميعه

( عشان يقولو العربي كريم )

تصرف وتصرف وبعدي نتنصرف

اصلا انت ما هميتهم يوم جيت

المهم جبت دفتر الشيكات وبطايق البنك

---------------------

مســـ ـــمار

معروف انه من ادوات النجاره

وممكن يستخدمه بعض البشر

خل نشوف شلون

مــس } تحسه يمس كل ما فيك

بكلامه

بفضوله اللي يسميه اهتمامه

يتسلق اعلى الاسوار في سبيل يكتشف عنك شي

مـــار } ويا ليت تقدر تعتبره مجرد >> ــمارلانه بيترك وراه كل انواع الدمار

والسبب بسيط

لقافه لا اكثريعني هو مسمــــــــــــار بجداره

---------------------

هوى

ممكن تتنفسه وممكن تحسه

وممكن يقرب من شعورك ويلمسه

تحسه يجذبك ويسحبك

وعلى فراش السعاده يمددك

و فجأه تحس انه

( فينا واحد بيلعب فينا واحد يعاني)(اعتقد فينا واحد ما يستاهل الثاني)

وهني يصير الهوى ملعون

والهوى مسكين كان قصده يسعدك وانت اللي فهمته غلط

--------------------------

ثقافه

كم كتاب قريت

كم صفحه طويت

كم كلمه كتبت

كم سطر خطيت

كلها كم } لكن الكيف مو مهم

خلك بالكمية بالكيفية والنوعية محد يدقق

---------------------------

عشب اخضر

تلقاه في كل مكان ما ينطر احد يزرعه ولا احد يهتم فيه

ولا احد يقدر يمنعه

يعطيك احلى ما فيه

مع انك ممكن تدوسه بسهوله

وما تنتبه عليه

تماما مثل الانسان الطيب

-------------------

استفهام

يستخدم بنهاية سؤال

وممكن تعلقه على تصرفات تحس انها تصرفات اطفال

لكن الفرق > ممكن ورى السؤال تلقى الجواب لكن ورى التصرفات بتلقى نفسك ضايع !!!!:

------------------

لافته ملفته

تستخدمها لو تبي تسترعي انتباه شخص وتلفته

تكتب عليها ،، تتفنن فيها ،، تزينها ....

وتنطر وتنطر تبي تشوف نتيجة وجودها

هي تشبه ترى اللفته الحلوه وممكن تكون جدا ملفته

وممكن ما تتأخر نتيجتها لكن القليل منّا يعرف قدرها

-------------------

فـاره

اهي هم من ادوات النجاره

ومن ادوات بعض البشر بعد

تلقاه مثل الفاره > وليش قلنا فاره مو فارلأنك تلقاه ناعم بأسلوب

يدخل حياتك بهدوء ما تحس فيه وما يطلع

إلاّ بعد ما يترك جراثيمه بكل مكان

----------------------

قص ولصق

مهاره تتطلب القليل من المهارات ( الكيبورديه )

تتطلب القليل من انعدام الضمير

القليل من الوقاحه

والقليل من اللامبالاة

حين لا تنتهي بكلمة منقول

----------------

دمتم

:: ::