وسيناريو متكرر من السرقات

سيناريو متكرر

المشكله لمن نسميه " بعضا مني" ردي > قد يكون بعضا من هنا وهناك لكن اكيد مو منها

و"اول الغيث " ردي > اول الغيث سرقه

ثم

نهديه لاخوي وحبيبي ... الخ

المهم بالصدفه وجدت التالي ...

http://wwwdreamnet.blogspot.com/

اكثر من نص وبصراحه بعض النصوص الاخرى شعرت وكأني قرأتها هنا او هناك

المهم .. هذا ما حصل ببساطه وبكل ثقه منا .. حتى التعليقات قامت بالاشراف عليها

شكرا عزيزتي

بس سؤالي .. ليش ؟

مواقف ومعاطف ...

هناك من يرتدون المواقف .. وهم كثر !!






انت وينك
تغير اسلوبك
صار غربي حنينك
صار ماضي اجدادك
ذكرى توطي جبينك
ضيعت بيسارك
عطايا يمينك


انت وينك
ضميتك بعيني
عشت اغلى سنينك
تكبر فيني
واصغر بقلبك وعينك
تعالجني بكلامك
وتطعني بسجينك

انت وينك
وانا شماعة
مجرد تصويت في قاعه
وسيله بيدينك

انت وينك؟
واسلامنا
صارديني ودينك
كنا واحد
صرنا تعدد
سبني وأهينك

انت وينك
ومحبتنا مشروطه
عينّي وأعينك


لا تسالني ليش كِنّا
لا تستغرب وين صرنا
من حقي اليوم
بافعالك ادينك
واسالك..
كنت وينك .. والحين وينك ؟

كانت الكلمات نتيجة لبوست أخوي براك ( كانت ) ..
قد يُتبع ..

نثريات تراب ...

تحولت مدونتي إلى مسودة

اكتب كلمات لا تكتمل

وحين تكتمل .. أُبقيها هناك ..

لا اعلم لماذا !!

هذا بعض ما لم يكتمل وما لم اناقشه مع نفسي كثيرا

،

،

(1)

يسالوني

شنو تغيّر في عيوني

ليش بحة صوتي زايدة

ليش نظرة عيني شارده

يسالوني

ليش محلوه اليوم

حتى وانتي قاعده من النوم

على خدي الورد فتح

لمعة العين صارت اوضح

يسألوني

خبيتك في ضميري

ما قلت لاحد غيري

وانت منثور بكلامي

بزينة ثيابي وشعري

حتى في قلة اهتمامي

----------------------

(2)

لا توعدني

وارجع اعيشك.. اتنفسك

اتجرأ ... واحلمك

وبعدين تبعدني

لا توعدني

باخلاص ٍ كذوب

بامان القلوب

وقلبك مهددني

لا توعدني

تجتمع الدروب

نلتقي واقع

وانت مبددني

لا توعدني بنهايات

وعلى اطراف البداية

تِـهـدْني

لا توعدني

لا تبنيني

ترتفع فيني

المس نجمة امل

اوصلك .. وتردني

لا توعدني...

*مثل ماأعدك

ليتك تعدني

*إضافة براك

----------------------

حتى لقاء ....

،

نتيجة كلمة عابرة

على راحتك ..


اذا مره خذاك ميول


صوب كيفك


ابيك تروح


بس علمني


قول راحل


او حبنا فاشل


قول تعبت بس لا تسكت


وتعتبر إني فهمت


ارحل على راحتك


وكل مافيني بيقدر صراحتك





***





لا تترك كل مافيني معلّق


بين ارضك وسما احلامي


بين انتصار غيابك وانهزامي


بين يمكن ومستحيل


بين احتمالات رجوعك والرحيل


بس علمني


وكل مافيني بيقدر صراحتك





***





ارسم حدود الزوايا ،، ولو هي حاده


منها توصلني النوايا ،، ولو هي بارده


وصدقني هالمره بتعلم


أدوّر دفاي بهروبك


تشرق شمسي من غروبك


بتعلم ما اتبعك ولا اتابعك


لأني ادري بسرابك سابقك


ارحل على راحتك


بس علمني


وكل ما فيني بيقدر صراحتك





***











كان السابق نتيجة كلمة عابرة سمعتها من شخص وهي كلمة ( على راحتك )


ما صار على الكلمات اي تعديل يمكن يصير بعدين !!

ذكرى اول بوست

السلام عليكم ورحمة الله وبركاته

تحية طيبة بعد غيابي القريب من صفحاتكم كنت اتابع عن بعد والظروف تحكمني كثيرا وأنا لا احب التقصير بحق احد

اقدم اعتذاري لكم جميعا

الظروف جبرتني اكون بعيدة لكني مستمره في قراءاتي هنا وهناك على الرغم من اني ما اعلق لكن الشوق لكم يدفعني استمر ولو معنويا

اليوم ذكرى مرور سنة على اول بوست قدمته ، وبهذي المناسبة اوجه شكري وتقديري لاخوي مشاري اللي عن طريق مدونتة تعرفت على هذا العالم بالصدفة

كان مروري لتسجيل ذكرى هذا اليوم ساحاول ان اعود

دعواتكم

الى لقاء

شكــرا من القلب

تغــيّر ...

تغيـّر
قد ما تقدر
وإذا التقينا بيوم .. سوي نفسك ما تذكّر

ارسم حروفك في رسالة وداع ، وبطرف صفحة افراحك ارسم حزني
ومن طرف صفحة .. ارسم عذر


أنا للحين طفلة .. اشوف الدنيا في لعبة وفي الوان وفي دفتر
لأن الهموم فيني اهي بس اللي تكبر

تغــيّر

وأنا بستمر ..

اشوف جناحي يتكسّر
اشوف الضحكة تتعثّر
اشوف الدنيا تتغيّـــــر
وأنا .. أنا
للحين ..على باب الوفا ....احلامي تتعطر

وإنت ... تغــيّـــر
ياحظ القلوب اللي تقدر .. تسمع صوت احتياج ظروف....
وما تتأثّر ...

تغـيّر...

.

.

اول ما فتحت المدونة ،، بروحه الكلام قام يناجرني مادري ليش !! وكتبتها :))