يتعبنا الغياب اللاّمبرر
ويرهقنا الحنين حين نعجز عن ادراك السبب
فلا نحن نستطيع أن نكره
ولا نحن نقدر على الاستمرار
00
وينك
تعبت اسأل عناوينك
تعبت احاول اكرهك
تعبت احاول ابعدك
عن تفاصيل الوله فيني
عن ملامح ايامي واضعف حنيني
تعبت ادور للوصل داعي
وابرر غيبتك واراعي
وينك
ما شفتك ولا لمتني عينك
و
بيني وبينك
صرت بغيابك اشتهي حتى ظلمك
صرت اشتهي غلطاتك وزعلك
تعبت افتح للفرح صفحات
تعبت أمنّي القلب واقول ما مات
وفى الاحساس
ودفى العيون
صدقت إنك ( غير الناس )
وطمنت الظنون
بسألك
وينه
حلمِ بدا يكبر
بدا يصدق
وشوق بدا يثمر
وقرّب إنه يتحقق
وأثره عرف كيف يتكبّر
وعرفت إنه ما يفرق
وينك
علّمني كيف تقدر
علّمني كيف وانا اللي طبعي ما يتصور
علّمني الجفا مره
علّمني أحلّي مُره
علّمني كيف تقدر
علّمني وانا اللي طبعي ما يتصور
وينك
كل ذرة بشراييني
كل نظرة بعيني
حتى خطوط ايديني
تسئلني
وينك
***
