كل عام وأنا بخير
كل عام وحلمي بخير
هذا لسان أمنياتي
ولسان الواقع يقول..
كل عام وانا من العدم اقرب
كل عام وأنا ملازمني ( هالعقرب )
إذا مديت ايدي ،، يقطع وريدي
ينطر فرحتي
تفزّ برحلتي
ويقـرّب
بهدوء الموت وغفلته
واقول باجر
يتغيّر حظي العاثر
ويجي باجر
واكتشف انه امس ،، كان احلى
كانت الاحلام محتلـَّه
أمنيات ،، باجر!!
واليوم..
عيد ميلادي ،، اصافح همي وابوس خده
واشيله معاي للمخدّه
احاول اقنعه : هالباب سِدّه
ضيعت عمري وإنت
ما اخلفت في موعدك يوم
كل ما ابتدي مشوار باجر
تضيّع اليوم...
............................
نقطة بنهاية السطر
ياليت نقدر نحطها بنهاية ( ألـم )
