حضور
احب أن لا يكون تكرارا لكل حضور
فللخصوصية جمالها
وللتفرد بالمشاعر روعته
فالكثير
قد يثري الروح لكنه قد لا ينعشها
لذلك
كان القليل احيانا اجمل
ومن هنا
كانت السعاده وافرة الحظ
حيث أنها تربعت في صميم الوجدان
لتقول فيك ولك
وتشعر بك ومعك
حكايه سيبدأ الشعور بسردها تماما كما كانت!!!
-----
القصّه ما هي قصّة عشق شارد
ولا هي قصّة رسايل وسوالف ليل
ولاهي قصة إشتقت لك وايــد
وإنت يا عمري إشتقت لي بالحيل
ولا هي قصّة جوّنـا البـارد
يجيه الشوق يشعـل بـه الفتيـل
ولاهي قصّة عاندني واعاند
ونشوف من له بالنهايـه سبيـل
كثير من القصص ما تتباعـد
تشّابه بالبدايـه ونهايتهـا ويـل
الجفـا والبعـد فيـهـا وارد
والوفا والاخـلاص فيهـا قليـل
وقصتي قصّـة قلـب مـارد
نادره وصوفـه مالـه مثيـل!!
وإليكم القصّه
والعهده على الراوي !!
حبيبتي إنتي !!
من يوم قلبج طفل لاهي من يوم طبعج الساهي
من وقت ما كنتي وكنت من وقت ما شفتج واندفعت
خذتني ،، عطتني ،، حيرتني
عباراتج ..اهتماماتج ،، وجنون لحظاتج
وانشغلت
قمت افكر ،، قمت احاول ،،
قمت اقول ،، لابد يجي يوم
لكني
قاومت
في داخلي ،، حاولت
وفي خارجي ،، قلت ما عشت
لو بفرض هوى نفسي واقول يا فلانه حسّي
من بعيد ابتدت الحكايه
وقررت اختمها أنا من بعيد!!
كنت اتبعج ،، واجي صوبج ،، ادلّ دروبج
وارد اضيّعج!!
يا هوى روحي
أنا حيل كابرت خنقت احساسي وعاندت
قلت لاماني قايل
ومن انا وشلون اقدر اتطاول
وبصراحه نجحت
لكني في البعد كنت فاشل
وفجأه قلتي مع السلامه قلت راحت ،، قلت ضاعت ،، وتندمت
و فجأه
مسك بيدي احساسي واعترفت
وقلت يا ضياعي لو اعترافي بيسبب وداعي
وقتها لاهي حبيبه ولاهي صديقه ولاهي أخت !!
فقدتها يا احساسي ليتك ما تسرعت
ليتك عن شعورك تمنّعت .... بس ليتك صبرت
وانتظرت قلت حسّت ،، قلت راحت
قلت وقلت
آآه يا شعور الحيره مني تمكنت
و فجأه
جتني رساله!!
هي قالت لي تعال
وأنا الشوق فيني قال لبيه
وقمت اشوفه احتمال احقق فيه شي نفسي تبيه
وشي بداخلي يأكدلي محال
لا تعلق آمالك عليه
وترددت ..
شلون وأنا الليّ كنت اداريها واراعيها
اشوف نفسي بعينها صغرت ؟؟
وقررت
اتجاهل نداها واقول في نفسي خلاص الله معاها
يكفيني انها درت فيني
وبين القرار ،، وكلمة تعال
احترقت
لكن ،،، كلها ايام
هدت نفسي ،، وتراجعت
رحت
هي عاتبتني : ليتك ما تأخرّت،، ليتك ما ابتعدت
ليت لسانك ما حدّه غرورك وكابرت
قلت إنتي .... اكبر من إني ....
اطلق هوى نفسي بدروبج واقول احسنت
بعيني انتي ،، قمر في سما احلامي
وانا على عشق المستحيل ما تعودت
مالت وقالت
تحبني يا فلان
قلت آآآآآآآآآآآآه
ما اصعب سؤالج
اسألي شهورٍ مضت كيف كانت
واسألي دنيتي كيف في وجودج زانت
واسألي برود المشاعر وشلون صاير حريق
واسألي ضعفي وخوفي وارتباك حروفي
يا نقطة ضعفي الوحيده ... وملامح دنيتي العنيده
لج قلب
و
تسأليني ؟!!!
--------
قصّه كانت وانتهت ،،، :( !!!
