الأربعاء، 2 يوليو 2008

إنت غـــير...


من عرفتك حسيت ان الدنيا بخير
لا تغير بالدنيا اعتقادي
واثقه انك عن جميع الناس غير
لا تحسسني انك شخص عادي
طبعي صعب ويحتاج مليون تفسير
وانت استسهلت صعبي واعجبك عنادي
جيّتك تختلف فيها شي مثير
تشبه النقطه البيضه في سوادي
تشبه احساس ظالم بصحوة ضمير
أو احساس مظلوم ينصره رب العبادِ
لانك واقعي ولانه خيالي طير
اتفقنا نختلف في سجن انفرادي
المصير اهو نفسه المصير
حتى لو انك بوادي وانا بوادي
اشعرك باحساس واثق للأخير
ونلتقي واحنا في عز البعادي
مثل المطر إذا هلّت تباشير
تروي جفاف القلب لو بس باسمي تنادي
إنت تختلف ...إنت غــــــــــير
يا طعم الوفا ويا ريحة تراب بلادي
........................................

شلون اهتم ؟؟

من كثر ما اهتم
احيانا ما اعرف شلون اهتم
تخذلني عباراتي واصير وكأني ما اهتم
ودي الملم
حزنك اذا طغاك الهم
واطمنك
اقول لا تهتم
انا جنبك
أنا كتفك
أنا منديلك
أنا اشيلك
بس لا يطويك الهم
بس من كثر ما اهتم......ما اعرف شلون اهتم !!!
............................
صـــوته..

فرحانه

سمعت صوته يناديني
وأنا الشوق محتويني
يناديني وانا مادري شفيني
مآخذني الوله ومضيعني حنيني
يسألني شفيني
ولو يدري شفيني
" اهو " اللي فيني
فرحانه
سمعت صوته
.................
.
.
.
.
.
.
.
.
.
* الصورة الأولى التقطتها عدسة شخص غالي على قلبي
اشكره عليها لانها تعني لي الكثير :)